Aptekdən uşaq yeməkləri oğurlamaqda şübhəli bilinən şəxs həbs edilib
Bakı, 8 iyun, AZƏRTAC
Bakıda aptekdən uşaq yeməkləri oğurlamaqda şübhəli bilinən şəxs tutulub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Bildirilib ki, mayın 4-də Suraxanı rayonunun Yeni Günəşli qəsəbəsindəki apteklərin birindən uşaq yeməkləri oğurlamaqda şübhəli bilinən qəsəbə sakini 21 yaşlı İlkin Məmişov polis əməkdaşları tərəfindən saxlanılıb. Məhkəmənin qərarı ilə o, 20 sutka inzibati qaydada həbs edilib.
Onun uşaq yeməyini övladı üçün oğurlaması iddiaları həqiqəti əks etdirmir.
Belə ki, Suraxanı Rayon Polis İdarəsinin 33-cü polis bölməsində aparılan araşdırmalarla onun uşaq yeməklərini satmaq məqsədilə oğurlaması məlum olub və o, bunu izahatında da etiraf edib.
Bölmənin digər xəbərləri
