AQROSERVİS FƏALİYYƏTİNİ GENİŞLƏNDİRMİŞDİR
İmişli, 8 fevral (AZƏRTAC). 2009-cu ildə təsərrüfat hesablı İmişli aqroservis filialı fermerlərə 237,6 min manatlıq servis xidməti göstərmişdir.
Müəssisə il ərzində torpaq mülkiyyətçilərinə güzəştli şərtlərlə 746,9 ton azot və 338,6 ton superfosfat gübrəsi satmışdır. Dövlət büdcəsinin vəsaiti hesabına kənd təsərrüfatı məhsullarının istehsalçılarına əkin sahələrinin becərilməsində istifadə etdiyi yanacaq və motor yağlarına görə 1.708,1 min manat dəyərində kompensasiya ödənilmişdir. Payızlıq buğda əkinlərinə görə 3.441 nəfər istehsalçıya 5.962,4 hektar əkin sahəsi üçün 238,5 min manat məbləğində kompensasiyanın ödənilməsi də nəzərdə tutulmuşdur.
Bölmənin digər xəbərləri
