Aralıq dənizində qayığın batması nəticəsində 21 misirli mühacir həlak olub
Qahirə, 25 fevral, AZƏRTAC
Qeyri-qanuni mühacirləri aparan qayığın Krit adası yaxınlığında çevrilməsi nəticəsində 21 misirli həlak olub. Yunanıstana tərəf üzən qayıqda ümumilikdə 50 nəfər olub.
AZƏRTAC xəbər verir ki, bu barədə Misir Xarici İşlər Nazirliyi məlumat verib. Bildirilir ki, batan şəxslərin üçünün meyiti sudan çıxarılıb. Qalanların axtarışı davam edir.
Qeyd olunur ki, bu, son iki ay ərzində misirli qeyri-qanuni mühacirlərin ölümü ilə nəticələnən ikinci hadisədir. Dekabrda baş vermiş oxşar hadisədə 14 misirli həlak olmuşdu.
Misir tərəfi itkin düşənlərin axtarışlarının sürətləndirilməsi barədə göstəriş verib. Misirin Afinadakı səfirliyindən bildirilib ki, qayıq qonşu dövlətlərdən birindən Yunanıstana istiqamət alıbmış.
Beynəlxalq Miqrasiya Təşkilatının məlumatına görə, 2026-cı ilin əvvəlindən Aralıq dənizində oxşar hadisələr nəticəsində 600-dən çox mühacir həyatını itirib.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
