“ARAZ” FUTZAL KOMANDASI GÜRCÜSTANIN “İBERİYA” KLUBU İLƏ YOLDAŞLIQ GÖRÜŞLƏRİ KEÇİRƏCƏKDİR
Azərbaycan çempionu sentyabrın 8-9-da Bakı İdman Sarayında Gürcüstanın “İberiya” klubu ilə iki yoldaşlıq görüşü keçirəcəkdir. Ötən il bu iki komanda arasında keçirilmiş yoldaşlıq oyunu 9:2 hesabı ilə Azərbaycan futzalçılarının xeyrinə başa çatmışdı.
Xatırladaq ki, “Araz” komandası Avropa çempionlar liqasının ilk seçmə qrup mərhələsi çərçivəsində oktyabrın 9-dan 15-dək Zaqreb şəhərində Xorvatiya və Yunanıstan çempionları ilə qarşılaşacaqdır. “Araz”ın üçüncü rəqibi hələ məlum deyil. Yarışlar 32 komandanın iştirakı ilə 8 yarımqrupda keçiriləcəkdir. Qruplarda 1-2-ci yerləri tutanlar ikinci seçmə mərhələyə vəsiqə qazanacaqlar. Yarımfinal və final oyunları 2007-ci ildə olacaqdır.
Bölmənin digər xəbərləri
