ARDNŞ İLİN ƏVVƏLİNDƏN 1441, 6 MİN TON NEFT HASİL ETMİŞDİR
Azərbaycan Respublikası Dövlət Neft Şirkəti /ARDNŞ/ 2002-ci ilin ilk iki ayı ərzində 1441,6 min ton neft hasil etmişdir. Şirkətin mətbuat xidmətindən bildirmişlər ki, bu, nəzərdə tutulduğundan 1,4 faiz və ya 19,6 min ton çoxdur.
Yanvar-fevral ayları ərzində quruda və dənizdə müvafiq olaraq 132,3 min və 1189,7 min ton neft çıxarılmışdır. Bu göstəricilərin birincisi nəzərdə tutulan həcmdən 6,4 faiz və ya 8 min ton, ikincisi isə 0,7 faiz və ya 8,5 min ton çoxdur. Bununla belə, iki ay ərzində dənizdə neft hasilatı 2001-ci ilin həmin dövrü ilə müqayisədə 1,8 faiz aşağı düşmüşdür. Kəsir 22,3 min ton təşkil etmişdir. Ötən ilin müvafiq dövründəkinə nisbətən quruda da neft hasilatı 4,9 faiz və ya 6,8 min ton azalmışdır.
ARDNŞ fevral ayında 685,5 min ton neft çıxarmışdır ki, bu da nəzərdə tutulduğundan 1,5 faiz, yaxud 10 ,3 min ton çoxdur. Dənizdə hasilatın artımı 0,8 faiz və ya 4,4 min ton, quruda isə 6,3 faiz və ya 3,7 min ton olmuşdur.
Bölmənin digər xəbərləri
