“Art Tover” rəsm qalereyasında növbəti sərgi qadınlara həsr ediləcək
Bakı, 10 noyabr, AZƏRTAC
Noyabrın 14-də İçərişəhərdə yerləşən “Art Tover” rəsm qalereyasında rəssam Şirin Bağçinin “Qadın və emosiyalar” adlı fərdi rəsm sərgisi açılacaq.
AZƏRTAC xəbər verir ki, sərgi “İçərişəhər” Dövlət Tarix-Memarlıq Qoruğu İdarəsi, Mədəniyyət Nazirliyi və “Arts Council Azerbaijan” qeyri-hökumət təşkilatının dəstəyi ilə reallaşacaq.
Noyabrın 16-dək davam edəcək sərgidə rəssamın 40-dək sənət əsərləri nümayiş olunacaq.
Sərgiyə informasiya dəstəyi verənlər sırasında AZƏRTAC-ın da adı var.
Bölmənin digər xəbərləri
