Bakı, 26 noyabr, AZƏRTAC

Avropa Şurası Parlament Assambleyası sədarət komitəsi və bürosunun Sofiyada təşkil edilmiş iclaslarında Azərbaycanda noyabrın 1-də keçirilmiş parlament seçkilərinə dair AŞPA seçki müşahidə missiyasının yekun məruzəsi yekdilliklə qəbul edilib.

Bu barədə AZƏRTAC-a Azərbaycanın AŞPA-dakı nümayəndə heyətinin üzvü Elxan Süleymanov məlumat verib. O deyib ki, bu qərar noyabrın 27-də AŞPA daimi komitəsinin iclasında təsdiq edilməlidir.