Aşqarlar Kimyası İnstitutunun magistrantlarına onlayn rejimdə elmi-metodiki məsləhətlər verilir
Bakı, 16 aprel, AZƏRTAC
Azərbaycan Milli Elmlər Akademiyasının Aşqarlar Kimyası İnstitutunda magistrantların elmi-pedaqoji təcrübəsi onlayn rejimdə davam edir. İnstitutun Təhsil şöbəsinin müdir əvəzi Sədaqət Şamxalova AZƏRTAC-a bildirib ki, koronavirus pandemiyası ilə əlaqədar ölkə səviyyəsində karantin rejiminin tətbiqini, eləcə də AMEA-nın prezidenti, akademik Ramiz Mehdiyevin magistrantlar üçün distant təhsilin təşkili ilə bağlı sərəncamını nəzərə alaraq, institutda təhsil alan II kurs magistrantların onlayn rejimdə elmi-pedaqoji təcrübəsi aprel ayının 29-dək davam edəcək.
“II kursda təhsil alan magistrantlarımız elmi-pedaqoji təcrübə rəhbərləri ilə birgə distant dərslərə qoşulur, onların hər birinin təqdimatında mühazirə və seminar dərsləri aparılır. Sonra birlikdə dərslərin videomüzakirəsi təşkil olunur. Magistrantlara elmi rəhbərləri həm tədris prosesi, həm də dissertasiya işlərinin yekunlaşdırılması üzrə elmi-metodiki məsləhətlər verirlər”, - deyə Sədaqət Şamxalova qeyd edib.
Bölmənin digər xəbərləri
