ASTANADA HEYDƏR ƏLİYEVİN DOĞUM GÜNÜ İLƏ ƏLAQƏDAR MƏRASİM KEÇİRİLMİŞDİR

12.05.2006 [12:03]
Çap et
A⁺ A^-

AZƏRTAC-ın xüsusi müxbiri xəbər verir ki, ölkəmizin Qazaxıstandakı səfirliyi paytaxtdakı “Xəzər” Azərbaycan Mədəniyyət Mərkəzi ilə birgə ümummilli liderimiz Heydər Əliyevin anadan olmasının 83-cü ildönümü ilə əlaqədar mərasim keçirmişdir.

Səfir Lətif Qəndilov Heydər Əliyevin dövlətçiliyimizin yaradılması və möhkəmlənməsi istiqamətindəki tarixi xidmətlərindən danışmış, xaricdəki Azərbaycan diasporunun formalaşdırılması işində ulu öndərin fikir və ideyalarının böyük əhəmiyyətini vurğulamışdır.

Azərbaycanın xalq artisti Niyaməddin Musayevin Məmməd Arazın sözlərinə bəstələnmiş “Dünya sənin, dünya mənim” mahnısını canlı ifa etməsi maraqla qarşılanmışdır.

Mayın 10-da axşam Astanadakı “Era-TV” kanalında Heydər Əliyevə həsr olunmuş “Hakimiyyət yükü” (“Бремя власти”) filmi nümayiş etdirilmişdir.