ASTANADA NOVRUZ ŞƏNLİYİ KEÇİRİLMİŞDİR
Ölkəmizin Qazaxıstandakı səfiri Lətif Qəndilov bayram münasibətilə soydaşlarımızı təbrik etmiş, Azərbaycan Prezidenti İlham Əliyevin Novruz bayramı ilə əlaqədar xalqa təbrikini oxumuşdur. Səfir bu bayramın tarixindən danışmış, bu günün bütün türkdilli xalqlar üçün əziz bayram olduğunu vurğulamışdır.
Dünya azərbaycanlılarının Bakıda keçirilən II qurultayından yenicə qayıtmış hüquqşünas Mirbəşir Əliyev tədbir barədə geniş məlumat vermişdir. O demişdir: “Tarixi əhəmiyyətli qurultay sübut etdi ki, Azərbaycan dövləti diasporla işə xüsusi diqqət yetirir və bu da bizim üzərimizə böyük məsuliyyət qoyur. Biz də çalışacağıq ki, bu etimadı doğruldaq”. Tədbirdə Astanada yaşayan azərbaycanlı qadınların cəmiyyətinin yaradılması məsələsi də müzakirə olunmuşdur.
Bölmənin digər xəbərləri
