ATATÜRK MƏRKƏZİNDƏ GÖRÜŞ KEÇİRİLMİŞDİR
Şərqşünaslıq İnstitutunun direktoru, Milli Məclis sədrinin müavini, filologiya elmləri doktoru Gövhər Baxşəliyeva bu yaxınlarda rəsmi açılış mərasimi olmuş Atatürk Mərkəzinin kollektivinə ən xoş arzularını çatdırmışdır.
Görüşdə Şərqşünaslıq İnstitutunda türk dili, ədəbiyyatı, tarixi və fəlsəfi fikrinin araşdırılması ilə bağlı aparılan tədqiqat işlərindən bəhs edilmişdir. Hər iki kollektivin türk xalqlarının inteqrasiyasının dərinləşməsinə xidmət edən vətənpərvərlik işini əlaqələndirməyin zəruriliyi vurğulanmışdır.
Əməkdaşlıq məsələləri, birgə layihələrin işlənməsi, müştərək elmi araşdırmalar aparılması, ortaq filoloji təfəkkür məhsullarının nəşrinin reallaşdırılması barədə təkliflər irəli sürülmüş, bir sıra faydalı təşəbbüslər dəstəklənmişdir. Tərəflər əməkdaşlıq barədə müqavilə və konkret iş planı hazırlamağı, türk tarixinin tədqiqinə birgə sanballı töhfələr verməyi qərara almışlar.
