ATƏT-in yeni sədri Ukraynaya səfəri zamanı regiondakı vəziyyəti müzakirə edəcək
Kiyev, 18 yanvar, AZƏRTAC
ATƏT-in fəaliyyətdə olan yeni sədri, İsveçin xarici işlər naziri Ann Linde ilk rəsmi səfərini Ukraynaya edəcək.
AZƏRTAC Ukrayna Xarici İşlər Nazirliyinin mətbuat xidmətinə istinadla xəbər verir ki, yanvarın 19-20-də həyata keçiriləcək səfər zamanı Ann Linde Ukraynanın xarici işlər naziri Dmitri Kuleba ilə ikitərəfli danışıqlar aparacaq, regiondakı geosiyasi vəziyyəti müzakirə edəcək.
A.Linde, həmçinin Donbasa gedəcək, münaqişənin həllində vasitəçilik edən ATƏT-in monitorinq missiyasının üzvləri ilə görüşəcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
