AVQUST AYINDA DÖVLƏTƏ 880 MİLYON KUBMETRDƏN ARTIQ TƏBİİ QAZ TƏHVİL VERİLMİŞDİR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, 2008-ci ilin avqustunda dövlətə 880 milyon 800 min 601 kubmetr təbii qaz təhvil verilmişdir.
Təhvil verilmiş qazın 570 milyon 645 min 556 kubmetri ARDNŞ-in, 310 milyon 155 min 045 kubmetri isə Konsorsiumun payına düşmüşdür.
Ümumiyyətlə, 2008-ci ilin yanvar-avqustunda dövlətə 7 milyard 39 milyon 574 min 580 kubmetr qaz təhvil verilmişdir ki, bunun da 4 milyard 499 milyon 373 min 669 kubmetri ARDNŞ-nin, 2 milyard 540 milyon 200 min 911 kubmetri isə Konsorsiumun payına düşmüşdür.
Qeyd edək ki, 2007-ci ilin eyni dövrü ilə müqayisədə dövlətə 1 milyard 53 milyon 353 min kubmetr artıq qaz təhvil verilmişdir.
Bölmənin digər xəbərləri
