AVROPA BİRİNCİLİYİNDƏ İŞTİRAK EDƏCƏK GƏNC GÜLƏŞÇİLƏRİMİZİN ADLARI MƏLUMDUR
AZƏRTAC xəbər verir ki, iyunun 26-dan iyulun 2-dək Serbiyanın paytaxtı Belqradda yunan-Roma və sərbəst güləş üzrə gənc oğlan və qızlar arasında gənclərin Avropa birinciliyi keçiriləcəkdir. Artıq birincilikdə iştirak edəcək yığma komandamızın heyəti məlumdur.
Məşqçi Ağalar Aslanovun rəhbərlik etdiyi yunan-Roma güləşi üzrə yığma komandanın heyətində Elçin Əliyev (50 kq), Rəşid Bünyadov (55 kq), Hacıxan Mustafayev (60 kq), Rafiq Hüseynov (66 kq), Elvin Mürsəliyev (74 kq), Rüstəm Əliyev (84 kq) və Aydın Səfərov (96 kq) təmsil olunacaqlar.
Komandanın ehtiyatda olan güləşçiləri Orxan Əhmədov (50 kq), Qadir Süleymanov (50 kq), Həsən Əliyev (55 kq) və Rüstəm Əliyev də (66 kq) yarışlarda iştirak edəcəklər.
Məşqçilər Arif Abdullayev və Rövşən Umudovun rəhbərlik etdiyi sərbəst güləş üzrə yığma komandaya isə Cavid Dəmirov (50 kq), Yaşar Əliyev (55 kq), Cəbrayıl Həsənov (60 kq), Elmir Qəmbərov (66 kq), Aqil Quliyev (74 kq), İlham Abidov (84 kq), Azay Mirzəyev (96 kq) və ehtiyatda olan idmançılarmızdan Qurban Novruzov (50 kq), Mehrac Həsənov (55 kq) və Zaur Ələkbərov (66 kq) cəlb olunmuşlar .
Qadınların mübarizəsində isə ölkəmizi sərbəst güləşçi Sona Əhmədli (59 kq) təmsil edəcəkdir.
Gənclərin Avropa birinciliyini idarə edəcək hakimlərin sırasında beynəlxalq dərəcəli hakimlər Xanmirzə Məlikəliyev, Hicran Şərifov və Qərib Əliyev də olacaqlar.
Bölmənin digər xəbərləri
