AVROPA ÇEMPİONATI ƏRƏFƏSİNDƏ
T.Şahlamazovun məşqçisi Rza Əliyevin fikrincə, gimnastımız turnirin bütün mərhələlərində eyni səviyyədə çıxış etmiş və Dünya Kubokunun iştirakçısı olan 14 ölkənin idmançıları ilə bərabər yarışmışdır. Onun sözlərinə görə, İran turniri mayın əvvəllərində Yunanıstanın Volos şəhərində keçiriləcək Avropa çempionatı ərəfəsində Şahlamazovun qüvvəsini sınaması üçün yaxşı fürsət olmuşdur. İdmançılarımız akrobat cığırında tullanma üzrə də qitə birinciliyinə hazırlaşırlar. Tamblinq üzrə Avro-2006 mayın axırlarında Fransanın Mets şəhərində keçiriləcəkdir.
İlin əsas yarışları ərəfəsində milli yığmamızın üç üzvü Ukraynanın Vinnitsa şəhərində keçiriləcək ənənəvi beynəlxalq turnirdə iştirak etmişdir. Onlardan Hafiz Rzayev daha yaxşı çıxış edərək, finalda 53,8 balla 6-cı yeri tutmuşdur. Səid Səlimov çoxnövçülükdə 17-ci yerə (55,1 xal), Rahib Əliyev isə şəxsi hesabda 47,8 xalla 24-cü yerə çıxmışlar. Turnirin medallarını isə Rusiya, Ukrayna və Fransa gimnastları öz aralarında bölüşdürmüşlər.
Bölmənin digər xəbərləri
