DÜNYA
Avropa İttifaqı fövqəladə sammitin keçirilməsini müzakirə edir
Bakı, 19 fevral, AZƏRTAC
Avropalı diplomatlar Aİ liderlərinin Ukrayna məsələsində yekun mövqe barədə razılığa gələ bilmələri üçün üzv ölkələrin fövqəladə sammitinin keçirilməsini müzakirə edirlər.
AZƏRTAC xəbər verir ki, “Politico” nəşrinin məlumatına görə, indiyədək Avropanın “cavab tədbirlərinin” koordinasiyası Avropa İttifaqı Şurasının tam heyətli iclaslarında deyil, əsasən kiçik qruplar çərçivəsində aparılıb. Hazırda Aİ Şurasının Prezidenti Antonio Koşta gələcək addımlar barədə ölkə liderləri ilə ikitərəfli danışıqlar aparır.
Qeyd edək ki, fevralın 17-də Avropanın səkkiz ölkəsi Parisdə Prezident Emmanuel Makronun təşəbbüsü ilə Ukrayna münaqişəsinə dair qeyri-rəsmi görüş keçirib. İclasda Avropa İttifaqı Şurası və Avropa Komissiyasının prezidentləri, həmçinin NATO-nun Baş katibi iştirak edib. Danışıqlar təxminən üç saat davam edib və birgə bəyanat qəbul olunmadan başa çatıb. Fransanın çərşənbə günü Avropa İttifaqı ölkələri və tərəfdaşları ilə yeni iclasa ev sahibliyi edəcəyi gözlənilir. Məlumat hələlik rəsmən təsdiqlənməyib.
Bölmənin digər xəbərləri
