DÜNYA
Avropa İttifaqı Rusiyaya qarşı yeni sanksiyalar paketi hazırlayıb
Bakı, 19 fevral, AZƏRTAC
Avropa İttifaqının daimi nümayəndələri Rusiyaya qarşı 16-cı məhdudlaşdırıcı tədbirlər paketi barədə razılığa gəliblər.
AZƏRTAC “Financial Times” nəşrinə istinadla xəbər verir ki, daimi nümayəndələrin qərarı hələlik yekun deyil. Belə ki, onların razılaşdığı paket daha sonra təsdiq üçün Avropa İttifaqı ölkələrinin liderlərinə göndəriləcək.
“Sanksiyalar daha 13 bankı və kölgə donanmasının 73 tankerini hədəf alacaq”, - deyə nəşr bildirib. Həmçinin yeni sanksiyalar paketinə Avropa İttifaqı ölkələri üçün Rusiya alüminiumundan hazırlanan bəzi məhsulların alınmasına “mərhələli” qadağa da daxil olacaq.
Bəzi məlumatlara görə isə qadağa bu metaldan hazırlanan məhsul növlərinə deyil, Rusiyadan gələn ilkin alüminiuma təsir edəcək.
Bölmənin digər xəbərləri
