Avropa Liqası: “Qarabağ” - “Molde” oyununun biletləri satışa çıxarılıb
Bakı, 16 sentyabr, AZƏRTAC
UEFA Avropa Liqasının qrup mərhələsinin ilk turunda Bakıda “Qarabağ” və Norveçin “Molde” komandası arasında keçiriləcək oyunun biletləri satışa çıxarılıb.
Klubun mətbuat xidmətindən AZƏRTAC-a verilən məlumata görə, biletlərin qiyməti müvafiq olaraq 5, 20, 40 və 100 manat təşkil edir.
VIP biletlərin qiyməti isə 200 manatdır.
Biletləri Ağdam təmsilçisinin “Park Bulvar”dakı fan-şopundan, eləcə də “Iticket.az”ın satış məntəqələrindən əldə etmək olar.
Qeyd edək ki, sentyabrın 21-də Tofiq Bəhramov adına Respublika stadionunda keçiriləcək “Qarabağ” - “Molde” matçı saat 20:45-də başlayacaq.
Bölmənin digər xəbərləri
