AVROPA PARLAMENTİ ƏRZAQ MƏHSULLARI İSTEHSALI ÜÇÜN HEYVANLARIN KLONLAŞDIRILMASININ ƏLEYHİNƏDİR
AZƏRTAC xəbər verir ki, Avropa Parlamenti ərzaq məhsulları istehsal etmək üçün heyvanların klonlaşdırılmasının əleyhinə çıxmışdır. Parlament bu barədə müvafiq qərar qəbul etmişdir.
Sənəddə heyvanların klonlaşdırılması təcrübəsinin ciddi problemlər yaratdığı bildirilir. Bu problemlər arasında heyvanların inkişafın ilkin mərhələsində ölməsi və eybəcər doğulması da var.
Müzakirələr zamanı bildirilmişdir ki, nə Avropa İttifaqında, nə də dünyada klonlaşdırılmış heyvanların əti satılmır. Lakin mütəxəssislərin hesablamalarına görə, 2010-cu ilədək klonlaşdırılmış heyvanlardan alınan ilk məhsullar satışa çıxarıla bilər.
Avropa Parlamenti Avropa İttifaqı ərazisində bu cür məhsulların satışını qadağan etmişdir.
Bölmənin digər xəbərləri
