Avropada satılan beş avtomobildən biri elektromobildir
Bakı, 20 sentyabr, AZƏRTAC
Avropa Avtomobil İstehsalçıları Birliyi Aİ ölkələrinin avqust ayı üçün yeni avtomobil qeydiyyatı məlumatlarını dərc edib.
AZƏRTAC xəbər verir ki, məlumata görə, Avropa İttifaqı ölkələrində yeni avtomobillərin satışı ötən ay 2022-ci ilin müvafiq dövrü ilə müqayisədə 21 faiz artaraq 787 min 626-ya çatıb.
Avqust ayında Avropa İttifaqında satılan yeni avtomobillərin 32,7 faizi benzin, 23,9 faizi hibrid, 21 faizi elektrik, 12,5 faizi dizel, 9,9 faizi isə digər növ mühərriklərlə çalışır.
Aİ ərazisində elektrik avtomobillərinin ümumi satışlardakı payı ilk dəfə 20 faizi ötüb. Onların satışları ötən ilin avqust ayı ilə müqayisədə 118,1 faiz artaraq 165 minə yüksəlib. İlin əvvəlindən isə Avropa İttifaqı ölkələrində 984 min 864 elektromobil satılıb.
Bölmənin digər xəbərləri
