AVSTRALİYA KİV-LƏRİ İSLAMA NİFRƏT ƏHVAL –RUHİYYƏSİNİ QIZIŞDIRIRLAR
Mütəxəssislər Piter Manninq və Ayan Liqonun fikrincə, KİV materiallarında ərəblərin və müsəlmanların obrazları qəsdən təhrif olunur, onların cəmiyyətə təhlükə kimi qələmə verilməsinə cəhd göstərilir.
Piter Manninq əvvəllər həm dövlət televiziya şirkətində, həm də kommersiya televiziyasında quruluşçu rejissor işləmişdir. Hazırda o, Sidney Texnologiya Universitetində jurnalistikadan mühazirələr oxuyur. Manninq iki ildən artıq müddətdə müsəlmanların həyatının etnik, siyasi və mədəni aspektlərinin KİV-lərdə işıqlandırılmasını araşdırmışdır.
P. Manninq demişdir: “Mənim tədqiqatlarım göstərir ki, ərəbləri və müsəlmanları digər avstraliyalılardan fərqlənən ümidsiz cəhalətpərəstlər və tərəqqi düşmənləri kimi təqdim etməyə çalışırlar. Lakin həqiqət bundan ibarətdir ki, müsəlmanlar da bütün digər insanlar kimidir və onların əksəriyyəti Sidneyə gəlmiş çoxsaylı immiqrantlara bənzəyir”.
Sidneydəki Livan Müsəlman Assosiasiyasının sədri Keysar Trad bildirir ki, müsəlmanlar artıq jurnalistlərdən o qədər qorxurlar ki, onlarla hər hansı bir təmasa girməkdən çəkinirlər və jurnalistlər məscidə yaxınlaşanda oradan çıxıb getmələrini xahiş edirlər. Çünki bilirlər ki, onların dediklərini təhrif edəcəklər.
Bölmənin digər xəbərləri
