Avstraliya məhkəməsi serbiyalı tennisçi Novak Cokoviçin lehinə qərar qəbul edib
Bakı, 10 yanvar, AZƏRTAC
Serbiyalı tennisçi Novak Cokoviç Avstraliyaya giriş vizasının ləğv edilməsi ilə bağlı bu ölkədə keçirilən məhkəmə prosesində qalib gəlib.
AZƏRTAC xəbər verir ki, məhkəmə dünyanın 1 nömrəli raketka ustasının Avstraliyada karantin rejimində qaldığı hoteli tərk edə bilməsi barədə hökm çıxarıb. Hökmə əsasən, idmançının pasportu və şəxsi əşyaları geri qaytarılıb.
N.Cokoviç Avstraliya açıq çempionatında iştirak etmək üçün Melburna gəlib və bu ölkənin sərhəd xidməti tərəfindən aeroportda saxlanılmışdı. Buna N.Cokoviçin peyvənd edilməmək üçün tibbi icazə barədə müvafiq sənədi xidmətə təqdim edə bilməsi səbəb olmuşdu.
Qeyd edək ki, 34 yaşlı tennisçi “Böyük dəbilqə” turnirlərində 20 qələbə qazanıb. O, 9 dəfə “Australian Open”, 6 dəfə “Uimbldon”, 3 dəfə ABŞ açıq, 2 dəfə “Roland Qarros” turnirinin qalibi olub. Onun Peşəkar Tennisçilər Assosiasiyasının təşkilatçılığı ilə keçirilən turnirlərdə ümumilikdə 86 qələbəsi var. N.Cokoviç həm də Pekin Yay Olimpiya Oyunlarının bürünc mükafatçısıdır.
Bölmənin digər xəbərləri
