Avstriyada COVID-19 xəstəliyi ilə əlaqədar ölənlərin sayı 600 nəfərə çatıb
Vyana, 20 may, AZƏRTAC
Avstriyada koronavirusa yoluxanların sayı getdikcə azalmaqdadır. Avstriyanın Federal Səhiyyə Nazirliyinin mayın 20-də yaydığı məlumata əsasən, aktiv xəstələrin sayı 838 nəfərə düşüb.
AZƏRTAC xəbər verir ki, aktiv xəstələrin sayının azalması ilə yanaşı COVID-19 ilə əlaqədar ölənlərin sayı 600 nəfərə çatıb.
Nazirliyin məlumatında, həmçinin qeyd edilir ki, hazırda xəstəxana şəraitində müalicə alan xəstələrin sayı 174 nəfərdir, onlardan 37 nəfərin vəziyyəti ağır qiymətləndirilir.
İndiyədək Avstriyada 16320 nəfər yeni növ koronavirusa yoluxub, onlardan 14882 nəfər sağalıb. Ölkə üzrə indiyədək 379592 test aparılıb.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
