“AZ TV KUBOKU” UĞRUNDA MƏHƏLLƏLƏRARASI FUTBOL TURNİRİ BAŞLANMIŞDIR
AZƏRTAC xəbər verir ki, oktyabrın 31-də Xətai rayonundakı 27 nömrəli orta məktəbin ərazisində UEFA-nın maliyyə yardımı ilə AFFA tərəfindən inşa olunmuş süni örtüklü meydançada “AzTV kuboku” uğrunda məhəllələrarası futbol turnirinin açılış mərasimi keçirilmişdir.
Tədbirdə çıxış edən məktəbin direktoru Cəmilə Ramazanova və digər natiqlər analoji yarışların keçirilməsinin gənc nəslin təlim-tərbiyəsində, onların sağlam həyat tərzinə istiqamətləndirilməsində mühüm əhəmiyyət kəsb etdiyini bildirmişlər.
Sonra AFFA nın mərhum prezidenti Ramiz Mirzəyevin xatirəsi bir dəqiqəlik sükutla yad olunmuşdur. Yarış “Əhmədli” və “Xətai” komandalarının oyunu ilə başlanmışdır.
Məhəllələrarası futbol turnirində 12 komanda AzTV-nin kubokuna sahib olmaq uğrunda mübarizə aparır.
Bölmənin digər xəbərləri
