AZƏRBAYCAN-ALMANİYA MƏDƏNİ ƏMƏKDAŞLIĞI GENİŞLƏNİR
Fevralın 15-də keçirilmiş mətbuat konfransında Almaniyanın Bakıdakı səfiri Klaus Orevlix səfirliyin və “Kapellhaus” Almaniya-Azərbaycan mədəniyyət mərkəzinin köməyi ilə “Sonor” müasir musiqi təşəbbüs mərkəzinin həyata keçirdiyi birgə Azərbaycan-Almaniya layihəsini iki ölkənin mədəniyyətləri arasında dialoqun parlaq nümunəsi kimi qiymətləndirmişdir. Azərbaycan və Almaniya müasir musiqisinə həsr olunmuş layihənin həyata keçirilməsi gedişində kamera və orqan musiqisi salonunda konsertlər olacaq, Azərbaycan və alman musiqisi səslənəcəkdir. Layihənin bədii rəhbəri gənc Azərbaycan bəstəkarı Elmir Mirzəyev və Almaniyanın tanınmış dirijorlarından olan Bernhard Vulfdur.
Cənab Vulf və Almaniyada yaşayan yapon bəstəkarı Yasuka Yamaquçi məşhur alman bəstəkarı Viktor Ulman tərəfindən həbs düşərgəsində yazılmış və əlyazması onun ölümündən sonra qaz kamerasında aşkar olunmuş 42-ci simfoniyanın bərpası prosesi, habelə Almaniyada yaşayan yapon bəstəkarlarının yaradıcılığı, müasir alman musiqisinin istiqamətləri barədə mühazirələr oxuyacaqlar.
Bölmənin digər xəbərləri
