Azərbaycan atleti Berlində keçirilmiş Avropa çempionatında gümüş medal qazanıb
Bakı, 13 avqust, AZƏRTAC
Azərbaycan yığması Berlində keçirilmiş atletika üzrə Avropa çempionatında ilk medalına sahib olub.
AZƏRTAC xəbər verir ki, üçtəkanla tullanma yarışının finalında idmançılarımızdan Aleksis Kopello gümüş medala layiq görülüb. O, 16,93 metr nəticə göstərib. Portuqaliyalı Olimpiya və dünya çempionu Nelson Evora 17,10 metr göstərici ilə Avropa çempionu adını qazanıb. Yunanıstanlı atlet Dimitrios Tsiamis 16,78 metr göstərici ilə bürünc medala yiyələnib.
Azərbaycanın digər idmançısı Nazim Babayev isə 16,76 metr nəticə ilə yunanıstanlı rəqibindən cəmi iki santimetr geri qalaraq dördüncü sırada qərarlaşıb.
Xatırladaq ki, atletlərimiz turnirdə məşqçilər Ziyad Xəlfəyevin və Artyom Rubankonun rəhbərliyi ilə mübarizə aparıblar.
Bölmənin digər xəbərləri
