AZƏRBAYCAN AVROPA ŞURASI İLƏ ƏLAQƏLƏRİN İNKİŞAFINDA MARAQLIDIR
AZƏRTAC xəbər verir ki, Milli Məclisin sədri Oqtay Əsədov noyabrın 2-də ölkəmizdə səfərdə olan Avropa Şurası Monitorinq Komitəsinin Azərbaycan üzrə həmməruzəçiləri ilə görüşmüşdür. Oqtay Əsədov demişdir ki, Avropa ailəsinə inteqrasiyanı qarşısına məqsəd qoyan Azərbaycan AŞ ilə əlaqələrin inkişafında maraqlıdır. Avropa Şurasının nümayəndələrinin ölkəmizə səfərləri əlaqələrimizin daha da inkişaf etməsinə və möhkəmlənməsinə xidmət edir. Əminəm ki, sizin səfəriniz də demokratik inkişaf yolu tutmuş Azərbaycana fayda gətirəcəkdir.
Sonra Milli Məclisin sədri AŞPA-nın rəhbəliyi və ayrı-ayrı deputatları ilə keçirdiyi görüşlər, aparılan konstruktiv danışıqlar barədə qonaqlara ətraflı məlumat vermişdir.
Monitorinq Komitəsinin həmməruzəçisi Andres Herkel demişdir ki, Azərbaycanda gedən proseslər diqqət mərkəzindədir. Azərbaycana bu dəfəki səfərdən məqsəd Azərbaycanın AŞ qarşısında götürdüyü öhdəliklərin icra vəziyyəti barədə məlumat toplamaqdır.
Görüşdə qarşılıqlı maraq doğuran məsələlər ətrafında geniş fikir mübadiləsi aparılmışdır.
Bölmənin digər xəbərləri
