Azərbaycan Bəstəkarlar İttifaqında 20 Yanvar faciəsi qurbanlarının xatirəsi anılacaq
Bakı, 16 yanvar, AZƏRTAC
Yanvarın 18-də Azərbaycan Bəstəkarlar İttifaqında 20 Yanvar faciəsi qurbanlarının xatirəsinə həsr olunmuş tədbir keçiriləcək.
İttifaqdan AZƏRTAC-a bildirilib ki, tədbir Azərbaycan Respublikası Prezidenti Administrasiyası rəhbərinin Sərəncamı ilə təsdiq edilmiş “20 Yanvar faciəsinin iyirmi yeddinci ildönümünün keçirilməsi ilə bağlı tədbirlər planı”na uyğun olaraq təşkil ediləcək.
Tədbirdə Azərbaycan Bəstəkarlar İttifaqının katibi, Əməkdar İncəsənət Xadimi Sərdar Fərəcovun faciənin ildönümü ilə bağlı məruzəsi dinləniləcək.
Faciə qurbanlarının xatirəsinə həsr olunmuş kompozisiyaların səsləndiriləcəyi tədbirdə ilk dəfə olaraq Sərdar Fərəcovun “Yalan dünya” vokal balladası və Elza Seyidcahanın “Şəhidlər” balladası ifa olunacaq.
Bölmənin digər xəbərləri
