AZƏRBAYCAN BEYNƏLXALQ BANKI ƏMANƏTLƏRİN FAİZLƏRİNİ ARTIRACAQDIR

25.05.2006 [10:50]
Çap et
A⁺ A^-

AZƏRTAC xəbər verir ki, Azərbaycan Beynəlxalq Bankı iyunun 1-dən ABŞ dolları və avro ilə qoyulacaq əmanətlərin gəlir faizlərini artırmağı planlaşdırmışdır. Yeni gəlir faizləri bank tərəfindən artıq müəyyənləşdirilmişdir.

Dollarla qoyulacaq əmanətlərin gəliri yeni manatla olan depozitlərin gəliri ilə bərabərləşdiriləcəkdir. Avro ilə qoyulmuş depozitlərin gəliri isə 0,4 faiz artacaqdır. Rəqəmlər əmanətlərin müddətinə görə, minimum illik 6,4 faizlə 19 faiz arasında dəyişə bilər.

Bundan əlavə, əmanətçilərə, qoyduqları məbləğdən və müddətdən asılı olaraq, pulsuz kredit kartları (Visa Classic, Visa Gold, MasterCard Standard və ya MasterCard Gold) verilir.

İyunun 1-nə qədər bağlanmış depozit müqavilələrinə görə, artım cari faiz dərəcələri, müqavilənin müddəti uzadılacağı halda isə yeni tariflər üzrə hesablanacaqdır.

AZƏRBAYCAN BEYNƏLXALQ BANKI ƏMANƏTLƏRİN FAİZLƏRİNİ ARTIRACAQDIR

MÜƏLLİFLƏ ƏLAQƏ

Bölmənin digər xəbərləri