AZƏRBAYCAN BEYNƏLXALQ BANKI YENİ XİDMƏT TƏKLİF ETMİŞDİR

27.05.2006 [10:48]
Çap et
A⁺ A^-

AZƏRTAC xəbər verir ki, Beynəlxalq Bank əhaliyə yeni “Card Transfer” xidməti təklif etmişdir. Mayın 15-dən fəaliyyətə başlayan bu sistem vasitəsilə bir plastik kartdan digərinə pul vəsaiti köçürmək olar. Azərbaycan bank sistemində ilk və hələlik yeganə olan bu xidmət plastik kart sahibinin öz kartından başqasınınkına köçürməsinə imkan verir.

Bu xidmətdən yararlanmaq istəyən şəxs plastik kartı aldığı bank filialına gedib, “Card Transfer”ə keçmək üçün adicə ərizə forması doldurmalıdır. Sistemə qoşulduqdan sonra, bankomat və internet-kioskda kartın 16 rəqəmli kodunu daxil etməklə, istənilən digər kartın hesabına pul köçürmək mümkündür. Bu əməliyyatı internet-bankinq proqramının köməyi ilə evdə və iş yerində də həyata keçirmək olar.

İlk mərhələdə bu xidmətdən pensiya kart sahiblərindən əlavə Beynəlxalq Bankın bütün kart müştəriləri istifadə edə bilər. Xidmət müqabilində tutulan komission xərci köçürülən məbləğin 0,15 faizinə bərabərdir.

AZƏRBAYCAN BEYNƏLXALQ BANKI YENİ XİDMƏT TƏKLİF ETMİŞDİR

MÜƏLLİFLƏ ƏLAQƏ

Bölmənin digər xəbərləri