AZƏRBAYCAN BOLQARISTAN İLƏ TARİXİ ƏNƏNƏLƏRƏ MALİK DOSTLUQ VƏ ƏMƏKDAŞLIQ MÜNASİBƏTLƏRİNƏ BÖYÜK ÖNƏM VERİR
AZƏRTAC xəbər verir ki, Azərbaycan Prezidenti İlham Əliyev yenidən Bolqarıstan Prezidenti seçilməyi münasibətilə Georgi Pırvanovu təbrik etmişdir.
Azərbaycanın Bolqarıstan ilə tarixi ənənələrə malik dostluq və əməkdaşlıq münasibətlərinə böyük önəm verdiyini vurğulayan dövlətimizin başçısı ümidvar olduğunu bildirmişdir ki, istər ikitərəfli qaydada, istərsə də regional və beynəlxalq qurumlar çərçivəsində əməkdaşlığımızın inkişafı üçün bundan sonra da ardıcıl səylər göstəriləcəkdir.
Azərbaycan Prezidenti Georgi Pırvanova fəaliyyətində dost Bolqarıstan xalqının rifahı naminə uğurlar arzulamışdır.
Bölmənin digər xəbərləri
