Azərbaycan çempionatında debüt edəcək “Sabah” baş məşqçisi ilə yollarını ayırıb
Bakı, 15 may, AZƏRTAC
Növbəti mövsüm futbol üzrə Azərbaycan Premyer Liqasında debüt edəcək “Sabah” klubu baş məşqçisi Arif Əsədovla yollarını ayırıb.
AZƏRTAC kluba istinadla xəbər verir ki, “Sabah”ın rəhbərliyi ilə Arif Əsədov arasında əldə olunan qarşılıqlı razılığa əsasən, komanda ilə baş məşqçi arasında imzalanan müqavilənin müddətinin artırılmamasına qərar verilib.
Klub rəhbərliyi mütəxəssisə təşəkkür edib, gələcək karyerasında uğurlar arzulayıb.
Bölmənin digər xəbərləri
