AZƏRBAYCAN-ÇİN: TƏHSİL SAHƏSİNDƏ ƏMƏKDAŞLIQ
Azərbaycan Dövlət Neft Akademiyası ilə Çin Neft Universiteti arasında kadrların birgə hazırlanması sahəsində əməkdaşlıq haqqında saziş imzalanmışdır. Sənədi ADNA-nın rektoru, Milli Elmlər Akademiyasının müxbir üzvü, professor Siyavuş Qarayev və Çin Neft Universitetinin rektoru Çjen Sisyue imzalamışlar.
Siyavuş Qarayev bildirmişdir ki, Çinin təxminən 40-50 vətəndaşı ADNA-da bakalavr, magistr və aspirant dərəcəsi üzrə təhsil alacaqdır.
Çin Neft Universitetinin rektoru demişdir ki, ADNA-nın dünyada böyük nüfuzu var. Burada güclü professor-müəllim kollektivi çalışır, geniş elmi tədqiqat işi aparılır. Azərbaycanın bu ali məktəbinin məzunları dünyanın bir çox ölkələrində uğurla çalışırlar və onların peşəkarlığı hamıya məlumdur.
Çinin bu ali məktəbi ADNA-nın əməkdaşlıq yaratdığı ilk təhsil müəssisəsi deyildir. Amerikanın Corciya Universiteti və Almaniyanın Zigen Dövlət Universiteti ilə birlikdə də kadrlar hazırlanır.
Bölmənin digər xəbərləri
