AZƏRBAYCAN DİASPORUNUN FORMALAŞMASINDA TÜRKLƏRİN DƏSTƏYİ
Almaniya-Azərbaycan Cəmiyyətinin təşkilatçılığı və “Simurq” Azərbaycan Mədəniyyət Assosiasiyasının prezidenti professor Fuad Məmmədovun sədrliyi ilə keçirilən tədbirdə Almaniya-Azərbaycan Cəmiyyətinin sədri Çingiz Abdullayevin “Almaniyada Azərbaycan cəmiyyətlərinin formalaşmasında türklərin dəstəyi”, Avropa azərbaycanlılarının əlaqələndirmə şurasının üzvü, Avropa Azərbaycanlıları Konqresinin Çexiya təmsilçisi, Çexiya-Azərbaycan mədəni əlaqələr mərkəzinin sədri, professor Azəri Fezinin “Lobbiçilik və diaspor işinin təşkilində yeni mərhələ”, “Diaspor” jurnalının baş redaktoru Rauf Zeyninin “Azərbaycan diasporu və milli birlik” məruzələri və digər mövzularda məruzələr dinlənilmişdir. Məruzələr ətrafında müzakirələrdə Türkiyənin ölkəmizdəki səfirliyinin katibi Aişə İnanc, Azərbaycan-Finlandiya Assosiasiyasının prezidenti Yaqub Kərimov, Gəncliyə Yardım Fondunun prezidenti Ahmet Tecim və başqaları təklif və iradlarını bildirmiş, fikir mübadiləsi aparılmışdır. Sonda diaspor fəallarından bir qrupuna Almaniya-Azərbaycan Cəmiyyətinin “Dostluq” medalı və diplomları təqdim olunmuşdur.
Bölmənin digər xəbərləri
