AZƏRBAYCAN DİASPORUNUN NÜMAYƏNDƏLƏRİNƏ “TƏRƏQQİ” MEDALI TƏQDİM EDİLMİŞDİR
Baş nazir Artur Rasizadə mərasimdə çıxış edərək, Dünya azərbaycanlılarının II qurultayının uğurla başa çatdığını xatırlatmış və demişdir ki, müasir reallıqlar diasporun işində yeni yanaşmalar tələb edir. Diaspor Azərbaycanın xaricdə layiqli təmsilçisi olmalıdır. O, Azərbaycan diasporunun nümayəndələrinə uğurlar diləmiş və ölkəmiz, Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması yolunda daha sıx birləşməyi arzulamışdır. Artur Rasizadə Xarici Ölkələrdə Yaşayan Azərbaycanlılarla İş üzrə Dövlət Komitəsinin fəaliyyətini də yüksək qiymətləndirmişdir.
Cavad Derəxti, Akkan Suver və başqaları mərasimdə çıxış edərək, onların fəaliyyətinə verilən yüksək qiymətə görə Azərbaycan rəhbərliyinə təşəkkürünü bildirmiş və əmin etmişlər ki, təşkilatlanmasında ümummilli liderimiz Heydər Əliyevin misilsiz rol oynadığı diasporun işini gücləndirmək üçün var qüvvə ilə çalışacaqlar.
Bölmənin digər xəbərləri
