Azərbaycan Gimnastika Federasiyasının peşəkar fəaliyyəti yüksək qiymətləndirilib
Bakı, 6 mart, AZƏRTAC
Azərbaycan Gimnastika Federasiyası (AGF) Beynəlxalq Gimnastika Federasiyası (FIG) tərəfindən fərqlənən federasiyaların reytinq siyahısına daxil olub.
AGF-dən AZƏRTAC-a bildiriblər ki, milli federasiyanın fəaliyyətinin yüksək qiymətləndirilməsi onun beynəlxalq arenada nüfuzunun daha bir göstəricisidir.
FIG-in İcraiyyə Komitəsi il ərzində uğurlu fəaliyyətinə - dünya çempionatlarının və kuboklarının, rəhbər orqanların iclaslarının, FIG Akademiyasının məşqçilik və beynəlxalq hakimlik kurslarının təşkilinə, həmin tədbirlərdə fəal iştirakına görə seçilən ən yaxşı federasiyaları xallar əsasında müəyyənləşdirir.
AGF peşəkar fəaliyyəti nəticəsində ardıcıl üçüncü dəfədir on ən güclü federasiyaların sırasında yer alır.
Beynəlxalq Gimnastika Federasiyasının tərkibinə 148 federasiya daxildir.
Bölmənin digər xəbərləri
