AZƏRBAYCAN İDMANÇILARI RUSİYADA KEÇİRİLƏCƏK DÜNYA BİRİNCİLİYİNDƏ QÜVVƏLƏRİNİ SINAYACAQLAR
Noyabrın 21-də Rusiyada universal döyüş üzrə gənclər arasında dünya birinciliyinə start veriləcəkdir.
AZƏRTAC xəbər verir ki, bu yarışa Azərbaycanın 10 universal döyüşçüləri qatılacaqdır.
Qızların mübarizəsində ölkəmizin idman şərəfini Aynur Axundova (52 kq) və Fərəh Rəsulova (62 kq) qoruyacaqlar. Oğlanların yarışında isə Elşən Musayev, Vüqar Xəlilov (hər ikisi 50 kq), Samir Məmmədov (55 kq), Orxan Qasımov (60 kq), Vüsal Bayramov, Nicat Əliyev (hər ikisi 70 kq), Vüqar Əhmədov (80 kq) və Adil Haqverdiyev (85 kq) qüvvələrinı sınayacaqlar.
Azərbaycan idmançıları 14-15 və 16-17 yaş qruplarında çıxış edəcəklər.
Bölmənin digər xəbərləri
