Azərbaycan Kuboku: “Zirə”nin 3-cü, “Sabah”ın 2-ci finalı
Bakı, 23 aprel, AZƏRTAC
Futbol üzrə Azərbaycan kubokunda finalçılar müəyyənləşib.
Peşəkar Futbol Liqasından AZƏRTAC-a verilən məlumata görə, yarımfinal mərhələsini adlayan “Zirə” və “Sabah” həlledici matça vəsiqə qazanıblar.
“Zirə” “Turan Tovuz”u (2:0, 0:0), “Sabah” “Qarabağ”ı (2:2, 2:1) mübarizədən kənarlaşdırıb. Qəsəbə klubu tarixində 3-cü dəfə finala yüksəlib. Zirənin eyniadlı təmsilçisi 2021/2022 və 2023/2024-cü illər mövsümlərində həlledici matçın iştirakçısı olub.
“Sabah” isə həm tarixində, həm ardıcıl ikinci dəfə finalda oynayacaq. Ötən mövsümün qalibi titulunu qorumağa çalışacaq. Mayın 13-də qarşılaşacaq rəqiblərin əvvəlki final oyunlarında rəqibləri eyni komanda - “Qarabağ” olub.
Ümumilikdə isə 1992-ci ildən keçirilən yarışda 19 komanda final oynayıb: “Qarabağ” – 12, “Neftçi” - 11, “Şamaxı” – 6, “Xəzər Lənkəran” və “Qəbələ” – 5, “Kəpəz” – 4, “Bakı” və “Zirə” – 3, “Kür Nur”, “Şəmkir”, “Sumqayıt”, və “Sabah” – 2, “İnşaatçı”, “Şəfa”, Xəzri”, “MKT-Araz”, “Karvan”, “Xəzər Lənkəran” və “İnşaatçı” Sb – 1.
Bölmənin digər xəbərləri
