Azərbaycan Milli İncəsənət Muzeyində Xalq rəssamı Ömər Eldarovla görüş keçiriləcək
Bakı, 9 iyun, AZƏRTAC
İyunun 11-də Azərbaycan Milli İncəsənət Muzeyində Mədəniyyət Nazirliyinin dəstəyi, “İrəli” İctimai Birliyinin təşkilatçılığı ilə Ümummilli Lider Heydər Əliyevin anadan olmasının 100-cü il dönümünə həsr olunmuş tədbirlər proqramı çərçivəsində “MədəniyyətimİZ” layihəsinin növbəti görüşü xalq rəssamı, Əməkdar heykəltəraş Ömər Eldarovla keçiriləcək.
İctimai Birlikdən AZƏRTAC-a bildiriblər ki, layihənin əsas məqsədi “Heydər Əliyev İli” çərçivəsində Ulu Öndər Heydər Əliyevin həyat fəaliyyətinin öyrənilməsi, qeyd olunmuş istiqamətlər üzrə mövcud problemlərin həlli və yaradıcı ideya bankının formalaşdırılmasıdır.
Görüşdə “Ümummilli Lider Heydər Əliyev və milli heykəltəraşlıq, rəsm sənəti” və “Heykəltəraşlıq və rəsm sənətində müasir dövrə baxış: təhlil və nəticə” istiqamətlərində panel müzakirələr təşkil olunacaq.
Bədii hissədə musiqili təqdimat və müxtəlif solo piano və vokal ifalar səsləndiriləcək.
Bölmənin digər xəbərləri
