Azərbaycan neftinin Ceyhan limanından ixrac həcmi fevral üçün 14,72 milyon barel müəyyənləşdirilib
Bakı, 10 yanvar, AZƏRTAC
Fevral ayı üçün Bakı-Tbilisi-Ceyhan boru kəməri ilə Azərbaycan xam neftinin Ceyhan limanından ixrac həcmi 14,72 milyon barel müəyyən edilib.
AZƏRTAC xəbər verir ki, bu barədə “Reuters” agentliyi məlumat verib.
Qeyd olunur ki, yanvar ayında bu göstərici 17,27 milyon barel təşkil edir və bu da fevral üçün proqnozlaşdırılan göstəricidən 5,6 faiz çoxdur.
Xatırladaq ki, 2006-cı ilin iyun ayında istismara verilən Bakı-Tbilisi-Ceyhan boru kəməri ilə ötən il dekabrın 12-dək 500 milyon ton neft nəql edilib.
Bölmənin digər xəbərləri
