Azərbaycan Premyer Liqası: Doqquzuncu tura bir oyunla start veriləcək
Bakı, 6 oktyabr, AZƏRTAC
Bu gün futbol üzrə Azərbaycan Premyer Liqasında IX tura start veriləcək.
AZƏRTAC xəbər verir ki, ilk oyun günündə bir qarşılaşma keçiriləcək.
Səkkiz turdan sonra 16 xalla ilk pillədə yer alan “Zirə” komandası doğma meydanda 11 xalla altıncı sırada qərarlaşan “Turan-Tovuz”u qəbul edəcək. Zirə İdman Kompleksinin stadionunda oynanılacaq görüş saat 18:00-da başlayacaq. Oyunun baş hakimi İnqilab Məmmədov olacaq.
İki komanda indiyədək ölkə çempionatında dörd dəfə üz-üzə gəlib. Bunların üçündə “qartallar”, birində isə tovuzlular qələbə qazanıb. Topların nisbətində də paytaxt klubunun üstünlüyü var - 8:5.
“Zirə” “Turan Tovuz”la bütün oyunlarda qol vurub. Bakı klubunun ev matçlarında 3 və ya daha çox qol qeydə alınıb.
Azərbaycan Premyer Liqası
IX tur
6 oktyabr (cümə)
18:00. “Zirə” - “Turan Tovuz”
Hakimlər: İnqilab Məmmədov, Eyyub İbrahimov, Rəhman İmami, Kamran Əliyev
VAR: Rauf Allahverdiyev
AVAR: Kamran Bayramov
Hakim-inspektor: Ömər Paşayev
AFFA nümayəndəsi: Emin Cəfərov
Zirə İdman Kompleksinin stadionu.
Qeyd edək ki, turun “Qəbələ” - “Səbail” və “Sabah” - “Araz-Naxçıvan” matçları oktyabrın 7-də, “Sumqayıt” - “Kəpəz” və “Neftçi” - “Qarabağ” görüşləri isə oktyabrın 8-də keçiriləcək.
Bölmənin digər xəbərləri
