Azərbaycan Prezidenti Norveç Kralını milli bayram münasibətilə təbrik etmişdir
Bakı, 17 may (AZƏRTAC). Azərbaycan Prezidenti İlham Əliyev Norveçin Kralı Əlahəzrət V Haralda təbrik məktubu göndərmişdir.
Məktubda deyilir: “Ölkənizin milli bayramı - Konstitusiya günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimizi yetirirəm.
Əminəm ki, Azərbaycan-Norveç münasibətləri xalqlarımızın mənafelərinə uyğun olaraq bundan sonra da dostluq və əməkdaşlıq məcrasında öz inkişafını davam etdirəcəkdir.
Bu əlamətdar gündə Sizə möhkəm cansağlığı, işlərinizdə uğurlar, dost Norveç xalqına əmin-amanlıq və firavanlıq arzulayıram”.
Bölmənin digər xəbərləri
