AZƏRBAYCAN RESPUBLİKASI MALİYYƏ NAZİRLİYİ MƏTBUAT XİDMƏTİNİN MƏLUMATI
Fevralın 5-də Azərbaycan Respublikasının maliyyə naziri Əvəz Ələkbərovun başçılığı ilə respublika hökumətinin nümayəndə heyəti Dünya Bankı rəhbərliyinin rəsmi dəvəti ilə Vaşinqtona yola düşmüşdür.
Səfər zamanı nümayəndə heyəti ölkəmizdə davam edən struktur islahatlarına yardım üçün Dünya Bankı tərəfindən SAK-2 proqramı üzrə respublikamıza ayrılması nəzərdə tutulan 60 milyon ABŞ dolları həcmində kreditin alınması ilə bağlı danışıqlar aparacaqdır.
Nümayəndə heyətinin tərkibinə Dövlət Neft Fondunun icraçı direktoru Samir Şərifov, İqtisadi İnkişaf Nazirliyinin departament rəisi Elçin Nadirov və başqaları daxildirlər.
Bölmənin digər xəbərləri
