AZƏRBAYCAN RESPUBLİKASININ NAZİRLƏR KABİNETİNDƏ
“Sahibkarlığın inkişafına mane olan müdaxilələrin qarşısının alınması haqqında” Azərbaycan Respublikası Prezidentinin 2002-ci il 28 sentyabr tarixli Fərmanının 10-cu bəndinin 8-ci abzasının icrasını təmin etmək məqsədi ilə Nazirlər Kabinetinin qəbul etdiyi 2002-ci il 19 noyabr tarixli 181 nömrəli qərarına əsasən Azərbaycan Respublikasının İqtisadi İnkişaf Nazirliyi, Ədliyyə Nazirliyi, Maliyyə Nazirliyi və Vergilər Nazirliyi ilə razılaşdırılmış “Yoxlama və nəzarət funksiyalarını həyata keçirən bəzi dövlət orqanları ilə sahibkarlıq subyektləri arasında tərəfdaşlıq sazişinin nümunəvi forması” təsdiq edilmişdir.
Yoxlama və nəzarət funksiyalarını həyata keçirən dövlət orqanlarına tapşırılmışdır ki, təsdiq edilmiş nümunəvi formaya uyğun olaraq sahibkarlıq subyektləri ilə tərəfdaşlıq sazişlərinin bağlanması praktikasına keçidi təmin etsinlər və bu sahədə görülmüş işlər barədə ildə iki dəfə Azərbaycan Respublikasının Nazirlər Kabinetinə məlumat versinlər.
Bu qərar imzalandığı gündən qüvvəyə minmişdir.
Bu qərar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
