AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident!
İcazə verin, Azərbaycanın yəhudi icmasına göstərdiyiniz qayğı və diqqətə görə Sizə təşəkkür edim.
“XaBaD Or Avner” yəhudi tədris kompleksinin hər bir şagirdi Azərbaycan Respublikasında məskunlaşmış xalqlara maraq və yardım göstərdiyinizi dərk edir və real işlərdə görür. Azərbaycandakı milli azlıqlara tolerant münasibətiniz bütün ölkələr üçün nümunə, idarəetmənin əsil demokratik xəttinin göstəricisi ola bilər.
İcazə verin, yəhudi icmasına qayğınıza və yardımınıza görə, Azərbaycan Respublikasında məskunlaşmış xalqların mədəniyyəti və ənənələrinin dirçəldilməsi, qorunub saxlanılması və inkişaf etdirilməsinə çalışaraq, qarşılıqlı anlaşmanın və qarşılıqlı hörmətin möhkəmlənməsinə kömək etdiyinizə görə Sizə bir daha dərin minnətdarlığımı bildirim.
Sizə uzun, fəal və səmərəli ömür, uğurlar və firavanlıq arzulayıram.
Qoy, Tanrının xeyir-duası həmişə Sizinlə olsun!
Hörmətlə,
Lev Levayev
MDB Yəhudi İcmaları Federasiyasının
Prezidenti
Bölmənin digər xəbərləri
