AZƏRBAYCAN ŞAHMATÇILARI AVROPA KUBOKUNDA UĞURLU START GÖTÜRMÜŞLƏR
Bakı, 5 oktyabr (AZƏRTAC). Makedoniyanın Oxrid şəhərində start götürmüş şahmat üzrə 25-ci klublararası Avropa kuboku yarışlarında ilk turun oyunları olmuşdur.
Azərbaycan şahmatçılarından Şəhriyar Məmmədyarov, Qadir Hüseynov və Rauf Məmmədov Makedoniyanın “Alkaloid”, Vüqar Həşimov isə İsrailin “Aşdod İllit” klublarının şərəfini qoruyurlar.
Birinci turda “Alkaloid” digər makedoniya klubu “Koçani” ilə qarşılaşmada 6:0 hesabı ilə qələbə qazanmışlar. “Aşdod İllit ” isə Hollandiyanın LSG kollektivini 4,5:1,5 hesabı ilə məğlub etmişdir.
Qeyd edək ki, Şəhriyar Məmmədyarovla Vüqar Həşimov birinci turun oyunlarında iştirak etməmişlər.
İkinci turda “Aşdod İllit ”-“Berlin 1903”, “Alkaloid” isə “Bremen” klubu ilə görüşəcəklər.
Bölmənin digər xəbərləri
