Azərbaycan şahmatçısı Monteneqroda uğurlu çıxışını davam etdirir
Bakı, 28 aprel, AZƏRTAC
Monteneqronun Nikşiç şəhərində keçirilən turnirdə Azərbaycan şahmatçısı Aydın Süleymanlı növbəti qələbəsini qazanıb.
AZƏRTAC xəbər verir ki, şahmatçımız 7-ci turda fransalı Josep Gireli məğlub edərək aktivinə daha bir xal yazdırıb. Ötən turların yekun nəticəsinə görə, təmsilçimiz 6 xalla vahid lider kimi birinci pillədə qərarlaşıb. A.Süleymanlı 8-ci turda yerli idmançı Luka Draskovic ilə mübarizə aparacaq.
Doqquz turdan ibarət olan və 5-i qrossmeyster olmaqla, 16 şahmatçının iştirak etdiyi yarış mayın 4-dək davam edəcək.
Bölmənin digər xəbərləri
