AZƏRBAYCAN SİLAHLI QÜVVƏLƏRİNİN MÖVQELƏRİ AVTOMAT VƏ PULEMYOTLARDAN ATƏŞƏ TUTULMUŞDUR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri sentyabrın 5-də saat 6.35-dən 6.50-dək və 9.00-dan 9.15-dək Berd və Noyanberyan rayonlarının Çinari, Voskepar kəndləri ərazisindəki mövqelərdən Azərbaycan Silahlı Qüvvələrinin Tovuz rayonunun Koxanəbi və Qazax rayonunun Əskipara kəndləri ərazisində yerləşən mövqelərini, sentyabrın 5-də saat 21.30-dan 21.55-dək Xocavənd rayonunun Kuropatkino kəndi, saat 22.55-dən 23.10-dək Füzuli rayonunun Horadiz kəndi, saat 23.10-dan 23.18-dək Ağdam rayonunun Mərzili kəndi yaxınlığında yerləşən mövqelərdən, sentyabrın 6-da saat 00.15-dan 00.17-dək Xocavənd rayonunun ərazisindəki adsız yüksəkliklərdə, saat 5.45-dən 5.55-dək Goranboy rayonunun Gülüstan kəndi yaxınlığında, saat 6.00-dan 6.05-dək Füzuli rayonunun ərazisindəki adsız yüksəkliklərdə yerləşən mövqelərdən Azərbaycan Ordusunun üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
