Azərbaycan sürətli iqtisadi inkişafa malik ölkədir
Brüssel, 26 iyun ( AZƏRTAC ). Azərbaycan sürətli iqtisadi inkişafa malik ölkədir.
Bu fikri Belçikanın Lyej əyalətinin qubernatoru Mişel Fore iyunun 24-də Belçikada səfərdə olan Azərbaycan Respublikasının bir qrup rayon icra hakimiyyəti başçıları ilə keçirdiyi görüşdə səsləndirmişdir.
Lyej vilayətinin tarixi barədə məlumat verən qubernator bildirmişdir ki, vilayətin paytaxtı hüsab edilən Lyej şəhərində çoxlu sayda tarixi binalar vardır. Onlardan biri də qubernatorluğun yerləşdiyi mənzil-iqamətgahdır. Vaxtilə şahzadənin iqamətgahı olan bina UNESCO-nun Dünya Mədəni İrsi Siyahısına daxil edilmişdir. Qubernator vilayətin tarixi dəyərləri hesab edilən mədəni irsin qorunması sahəsində müəyyən təcrübə əldə olunduğunu bildirmişdir
Azərbaycanın 1991-ci ildən müstəqil dövlət olduğunu xatırladan M. Fore ölkəmizin sürətli iqtisadi inkişafa malik olduğunu, bir çox sahələrdə yüksək nailliyyətlər əldə etdiyini vurğulamışdır. O, bildirmişdir ki, Azərbaycan Prezidentinin Sərəncamına əsasən 2014-cü il “ Sənaye ili “ elan olunmuşdur. Yeraltı sərvətlərlə zəngin Azərbaycanın enerji sahəsində böyük təcrübəsi vardır. Azərbaycan ilə Belçika arasında müxtəlif sahələrdə əməkdaşlığın vacibliyi qeyd edilmişdir.
Qubernator Azərbaycanın Avropa Şurası Nazirlər Komitəsinin sədri kimi quruma üzv ölkələrdə demokatiyanın inkiaşfına öz töhfəsini verəcəyinə ümidvar olduğunu diqqətə çatdırmışdır.
Azərbaycan Respublikası Prezidenti Administrasiyasının regional idarəetmə və yerli özünüidarəetmə orqanları ilə iş şöbəsinin baş məsləhətçisi Dəyanət Abdullayev müstəqillik əldə edən ölkəmizin son illərdə yüksək sosial-iqtisadi siyasət prinsiplərini əldə rəhbər turması sayəsndə Avropada ozünə layiq mövqe qazanmasını vurğulamışdır.
D. Abdullayev Müstəqil Dövlətlər Birliyi ölkələri arasında Azərbaycanın iqtisadi göstəricilərinin çox yüksək olduğunu bildirmişdir. Qeyd etmişdir ki, Azərbaycan təkcə iqtisadi sahədə deyil, eyni zamanda, siyasi sahədə də böyük müvəffəqiyyətlər qazanmışdır. Azərbaycan 2011-ci il oktyabrın 24-də BMT Baş Məclisində keçirilən seçkilər zamanı 155 səs toplayaraq 2012-2014-ci illər üçün qurumun Təhlükəsizlik Şurasının qeyri-daimi üzvü seçilmişdir.
Qədim tarixə və zəngin mədəni dəyələrə malik Azərbaycanın tolerant və dünyəvi ölkə olduğunu diqqətə çatdıran Dəyanət Abdullayev ölkəmizdə etnik qrupların azərbaycanlılarla dostluq şəraitində yaşadıqlarını, hökumət tərəfindən heç bir ayrı-seçkliyə yol verilmədən onların dinlərinin, dillərinin və mədəniyyətlərinin inkişafına hər cür qayğı göstərildiyini, Azərbaycanın tolerantlığının digər inkişaf etmiş ölkələrə nümunə olduğunu qeyd etmişdir.
O, Azərbaycanın çox mühüm beynəlxlaq tədbirlərin keçirildiyi məkan olduğunu qeyd edərək ölkəmizin 2015-ci ildə Avropa Oyunlarına ev sahibliyi edəcəyini və həmin tədbirə ciddi hazırlıq görüldüyünü bildirmişdir.
Görüşdə Lyej vilayətinin regionları ilə Azərbaycanın bir sıra rayonları arasında əməkdaşlıq və dostluq əlaqələrinin yaradılması ilə bağlı müzakirələr aparılmış, bunun ölkələrimiz arasında mədəni və iqtisadi sahələrdə əlaqələrin genişləndirilməsinə xidmət edəcəyi qeyd olunmuş və bu işlərə tezliklə başlamağın vacibliyi vurğulanmışdır.
Görüşdə Sabirabad, İmişli və Hacıqabul rayonlarının icra hakimiyyətlərinin başçıları Nazim İsmayılov, Vilyam Hacıyev və Əhməd Muxtarov rəhbərlik etdikləri rayonlarda görülən quruculuq işlərindən və aparılan islahatlardan danışmış, Şuşa Rayon İcra Hakimiyyətinin başçısı, “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi İdarə Heyətinin sədri Bayram Səfərov Ermənistan-Azərbaycan, Dağlıq Qarabağ münaqişəsinin tarixi barədə müfəssəl məlumat vermiş, münaqişə zəminində bir milyondan artıq azərbaycanlının qaçqın və məcbur köçkünə çevrilməsindən bəhs etmişdir.
Görüşdən sonra Lyej vilayətinin xarici əlaqələr mərkəzi ilə tanış olan azərbaycanlı qonaqlara mərkəzdə görülən işlər baradə məlumat verilmişdir. Mərkəzin beynəlxalq münasibətlər şöbəsinin direktoru xanım Ann Valeri-Barle tərəfindən “Vilayətin beynəlxlaq mədəni əlaqələri” mövzusunda təqdimat olmuşdur.
Flandriya regionunun Lommel şəhərində keçirilən görüşdə mer Peter Vanveltoven qonaqları səmimi salamlamış, şəhərin ictimai-siaysi həyatı barədə məlumat vermişdir. O, Azərbaycanın Belçika Krallığındakı səfirliyi ilə yaxşı münasibət qurduqlarını bildirmiş, Azərbaycana iki dəfə səfər etdiyini xatırlatmış və aldığı zəngin təəssüratı bölüşmüş, “Dukat” şirkətinin Azərbaycanda birgə layihələr həyata keçirməsi isitqamətində dövlət səviyyəsində danışıqlar aparıldığını bəyan etmişdir.
Cari ilin sentyabr ayında Lommel şəhərinin xüsusi Olimpiya Oyunlarına ev sahinliyi edəcəyini diqqətə çatdıran mer bu oyunlarda Azərbaycandan 70 nəfərin iştirak edəcəyini bildirmişdir.
Azərbaycanın bir sıra rayonlarının Lommel şəhəri ilə iqtisadi və mədəni sahələrdə əlaqələr qurmaqda maraqlı olduqlarını diqqətə çatdıran Dəyanət Abdullayev son iyirmi ildə ölkəmizdə sosial- iqtisadi sahədə əldə olunan uğurların regionlara da ciddi təsir göstərməsindən bəhs etmiş və rayonlarda gedən mühüm dəyişiliklərdən danışmışdır.
Görüşdə İmişli və Ağdaş rayon icra hakimiyyətlərinin başçıları Vilyam Hacıyev və Tofiq İbrahimov Azərbaycan Respublikası Prezidentinin “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”na uyğun olaraq son zamanlar hər iki rayonda gedən quruculuq işlərindən söhbət açmışlar.
Görüşdə İmişli və Ağdaş rayonları ilə Lommel şəhəri arasında əməkdaşlıq münasibətlərinin qurulması geniş müzakirə olunmuş, gələcəkdə bu sahədə müvafiq sənədlərin imzalaması üçün zəruri tədbirlərin həyata keçirilməsinin vacubliyi qeyd edilmişdir .
Lommel şəhərindəki “Soltec “ alternativ enerji şirkətinin təqdimatından sonra qonaqlar şüşə zavodu ilə yaxından tanış olmuşlar.
Icra hakimiyyətlərinin başçıları səfir Fuad İsgəndərov ilə görüşmüşlər. Səfir Azərbaycan ilə Belçika Krallığı arasında mövcud əməkdaşlıq münasibətlərinin inkişafı barədə məlumat vermişdir.
İcra hakimiyyətləri başçılarının Belçikadakı görüşləri davam edir.
Əsgər Əliyev
AZƏRTAC-ın xüsusi müxbiri
Brüssel
Bölmənin digər xəbərləri
