AZƏRBAYCAN TURİSTLƏRİNİ DAĞISTANDA YÜKSƏK SƏVİYYƏLİ XİDMƏT GÖZLƏYİR
Bu günlər Heydər Əliyev adına İdman-Konsert Kompleksində keçirilən ənənəvi beynəlxalq turizm və səyahətlər sərgisində ilk dəfə iştirak edən dağıstanlı qonaq demişdir ki, ümumi sahəsi təxminən 70 min hektar olan “Dağıstan” ovçuluq-balıqçılıq təsərrüfatına getmək, habelə dağ keçisi, donuz, ayı və maral ovuna çıxmaq ovçuluq və balıq ovu həvəskarları üçün böyük maraq doğuracaqdır. Qafqazın tarixi ilə maraqlananlar, şübhəsiz, Çirkey su anbarının marşrutu ilə maraqlanacaqlar. Çünki buradan katerlə tanınmış tarixi şəxsiyyətlərin – Dağıstanın birinci imamı Qazı Məhəmmədin və XIX əsrdə Qafqaz xalqlarını Rusiya imperiyasına qarşı mübarizəyə səfərbər etmiş imam Şamilin vətəni Gimri kəndinə getmək mümkündür.
